ZCH016 God of Girlcraft

Endlich wieder mit Gast reden wir über die wirklich wichtigen Themen: Religion, Recht und effiziente Schriftarten. Viel Spass!

In dieser Folge mit dabei:

avatar Ferdi
avatar Thomas
avatar Vanessa

8 Gedanken zu „ZCH016 God of Girlcraft

  1. Bernhard

    Ja das mit em Chile-Ustritt isch so e Sach – wenn die erschti Stüürrächnig chunt überlegt mer sich plötzlich öb eim Öpis wo mer nit dra glaubt so vil Gäld wärt isch… Gott hesch scho immer müesse für alles härehebe wo mer sich nit erkläre het chöne – und das wird halt immer weniger 🙂 Wo ich usträtte bin isch de Papscht am gliche Daag abträte – wenn das nit e Zeiche gsi isch =)

    James Bond han i grad uf Geburtstag d Collection beko – bis jetzt Dr. No gluegt – und jetzt gohts natürli nach Reihefolg dure, und am Schluss die zwei Inoffizielle (Casino Royale und Sag niemals nie). Dr. No isch für sis alter (1962) sensationell gsi – chönt mer glaub hüt no ins Kino bringe und würd einiges bashe. I eim hüroteter am Ändi, aber i wot jetzt mol nit spoile 🙂

    GOG isch e super tip – all mini geile alte Games – jetzt fehlt mer nume no e Joor zit zum ein Teil devo nomol z game…

    Zu de Elektroautos: Performance und Gschwindigkeit sind do nie es Problem gsi – d Beschleunigung und s Dreimomänt wär do – mer weiss nume nit wie mer das Stromzügs speichere söll und vor allem wie schnell lade. (z.B. Tesla isch do heftig debi http://de.wikipedia.org/wiki/Tesla_Roadster)

    Knight Rider – wieso chunt da eigentli nit (vo mir us statt ***)
    *** isch en Platzhalter für jedi aktuelle Serie im Färnseh

    Knight Rider 1 : 0 Pharao (isch aber au sehr geil gsi)

    I würd mi glaub eher als extrovertiert bezeichne – und i glaub das het mer scho vil im Läbe sehr vereifacht. I glaub sogar, dass die introvertierte durch d Gsellschaft wie fasch organisiert unterdrückt wärdet. Spannendi Diskussion gsi!!! I würd mi glaub scho uf e Standpunkt setze, dass es sehr linear isch – zumindescht d Tendänz vo de einzelne Person

    Euchi Markene passet im Webplayer irgendwie schowieder nit – bzw. wenn i Pause mach und spöter witerlose will verschiebts huere (Firefox 20.0, Ubuntu 12.04)

  2. Katalin

    Haha! Das isch jetzt lustig gsi! 🙂 ich bi gmüetlech am podcast lose und muess z’züri umstiege woni vor mir de Ferdi gseh laufe (zu schnell, hane nid chönne ihole). Mis hirn isch grad überforderet gsi ne glichzitig so nöch bi mir zghöre und so wit vo mir laufe zgseh 🙂

    1. Katalin

      Ihr heit irgedwie di falsch zit igstellt. En stund zfrüeh. Im moment isch 10:13

      1. Thomas Beitragsautor

        Merci föra Hiwis, das hätt dr Bernhard scho bemängelt, i has jetzt behoba (es isch a falsche Zitzona konfiguriert gsi) 🙂

    1. Kasparius

      Bim “What is something we should enjoy while it’s still legal?” isch’s Bispiel “Isle of men” vorcho. Da ihr nid gwüsst hei wieso, do en Link derzue (au wenns filech nid interessiert =P) http://www.youtube.com/watch?v=Ph0SjLC_lqk. Sit’s das Rönne scho git si scho über 200Beteiligti gstorbe, also es Wunder dass es das immerno git!

      Knight Rider vs Pharao chani leider nix säge, i kenne Pharao nid. Knight Rider isch jedefalls top gsi! 🙂

      @ Thomas. Dass si d Fruchsaftkonzentrat dörfe strecke etc hani nid gwüsst, merci..
      @ Ferdi. Geogessr isch ächt witzig. Ha au 2 mol gspilt, ha gar nid gwüsst dass me do gäg anderi cha spile. Ig fordere di somit uf! 🙂

      1. nerdinand

        And you did well, son… 😉

        http://www.geoguessr.com/?v=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

  3. KK_Me

    Danke vielmals für den GoG-Tipp!!!
    Ich suche schon seit ewigs ein game aus meiner Kindheit (Kings quest VII) und fands dort. Werde mir bald einen account machen und die 10$ gerne bezahlen.

Kommentare sind geschlossen.